د کونړ ولایت د وروستۍ زلزلې د ۸۷۳ شهیدانو او ټپیانو کورنیو ته د کونړ ولایت له پېښو سره د مبارزې آمادګۍ ریاست او د کار او ټولنیزو چارو ریاست ګډې کمېټې له لوري نغدې مرستې ووېشل شوې

د کونړ ولایت له پېښو سره د مبارزې آمادګۍ ریاست او د کار او ټولنیزو چارو ریاست ګډې کمېټې، د DRC مؤسسې، د ترکي IFAM مؤسسې، د اسعدآباد صرافۍ او د افغان سوداګرو په ملاتړ، د څوکۍ ولسوالۍ د دیوه‌ګل دره په بېلابېلو کلیو کې د ۸۷۳ شهیدانو او ټپیانو کورنیو ته نغدي مرستې ووېشلې.
په دې بهیر کې, د تُرکۍ IFAM مؤسسې له لوري ۱۳۰ کورنیو هرې یوې ته ۲۰۰ ډالر، د DRC مؤسسې له لوري ۴۴۵ کورنیو هرې یوې ته ۹۵۰۰ افغانۍ, د ننګرهار د تېلو ټانکونو ټولنې له لوري ۱۰۰۰ کورنیو هرې یوې ته ۴۰۰۰ افغانۍ، د کابل د سوداګرو ټولنې له لوري ۱۳۰ کورنیو هرې یوې ته ۱۰۰۰۰ افغانۍ، د قاري عبدالله، د جلال‌آباد سوداګر له لوري ۳۰ کورنیو هرې یوې ته ۳۰۰۰ افغانۍ، د یو افغان سوداګر له لوري ۲۲ کورنیو هرې یوې ته ۱۰۰۰ افغانۍ، د اسعدآباد صرافۍ له لوري د ۱۳ شهیدانو هر یو ورثه ته ۱۰۰۰۰ افغانۍ او د ۹ نورو شهیدانو کورنیو هرې یوې ته ۵۰۰۰ افغانۍ، د یو بل افغان سوداګر له لوري ۴۶ کورنیو هرې یوې ته ۳۰۰۰ افغانۍ ووېشل شوې.
د مرستو ترلاسه کوونکو کورنیو د ګډې کمېټې د دوامدارو هڅو قدرداني وکړه او دغه مرستې یې اغېزمنې وبللې.

نیټه: ۱۴۴۷/۰۳/۱۵ هـ ق
له پېښو سره د مبارزې آمادګۍ ملي اداره