د کندهار ولایت له پېښو سره د مبارزې آمادګۍ ریاست ۴۷ سېلاب ځپلو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د DRC موسسې ترمنځ د لاسلیک شوي هوکړه لیک له مخې، د کندهار ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت د مرکز، نیش، شاولیکوټ او پنجوایي ولسوالیو اړوند ۴۷ سیلاب ځپلو کورنیو ته نغدي مرستې ووېشلې.
په دې لړۍ کې، له سروې وروسته د مسوولینو په شتون کې، هرې کورنۍ ته ۹۹۰۰ افغانۍ وویشل شوې، چې ټولټال ۴۶۵۳۰۰ (۴۶۵ زره او ۳۰۰) افغانۍ د یاد شمېر کورنیو لپاره ځانګړې شوې وې.
نېټه: ۱۲/ ۹/ ۱۴۴۶
له پېښو سره د مبارزې آمادګۍ ملي اداره
