د کابل ولایت له پېښو سره د مبارزې آمادګۍ ریاست په ده سبز ولسوالۍ کې د پلچک جوړولو کار پیل کړ
له پېښو سره د مبارزې آمادګۍ ملي ادارې د سرپرست، محترم الحاج ملا نورالدین ترابي، د لارښوونې پر بنسټ، د کابل ولایت له پېښو سره د مبارزې آمادګۍ ریاست، د یاد ولایت په ده سبز ولسوالۍ کې د ٤ مترو په پلنوالي، ٥ مترو په اوږدوالي او د ١.٧٥ مترو په لوړوالي د پلچک جوړولو کار پیل کړ.
د دې پروژې د پرانیستلو په مراسمو کې، د کابل ولایت له پېښو سره د مبارزې آمادګۍ رییس، محترم الحاج مولوي نجیب الله انوري وويل، چې د افغانستان اسلامي امارت مشرتابه ژمن دي چې د خلکو ستونزو ته پر وخت رسېدنه وکړي او د ولس لپاره ټولې آسانتياوې برابرې کړي، هغه زیاته کړه، چې اسلامي امارت په پام کې لري چې دې ته ورته نورې پروژې هم د کابل ولايت په بېلا بېلو تر خطر لاندې سیمو کې پلې کړي.
د سيمې اوسېدونکو د ياد پل د جوړېدو د کار له پیل څخه خوښي وښوده او له پېښو سره د مبارزې آمادګۍ ملي ادارې او له سیمه ییزو مسؤلینو څخه یې مننه او قدرداني وکړه او ویې وېل چې د پل په جوړېدو سره به د خلکو د تګ راتګ ستونزي حل شي.
نېټه: ۱۴۴۷/۰۲/۰۳ ق
له پېښو سره د مبارزې آمادګۍ ملي اداره
