د کابل ولایت له پېښو سره د مبارزې آمادګۍ ریاست ١٨٥ زیانمنو کورنیو ته خوراکي او غیر خوراکي مرستې ووېشلې
د کابل ولایت له پېښو سره د مبارزې آمادګۍ ریاست د ولایت مقام په لارښوونه، د دې ولایت په سروبي ولسوالۍ کې د وروستیو سېلابونو او بارانونو له امله ١٨٥ زیانمنو شویو کورنیو ته، له سروې وروسته خوراکي او غیر خوراکي مرستې ووېشلې.
په دې لړۍ کې د مسؤلینو په شتون کې، هرې کورنۍ ته ١ بورۍ ٥٠ کیلویي غنم، ١ بورۍ ٢٥ کیلویي وریجې، ٢ جوړې څپلۍ، ٢ تختې ځان پاکونه، ١ عدد د اوبو سطل، ١ عدد د اوبو بشکه، ٥ سیټه د ډوډۍ خوړلو یو ځل مصرفي لوښي او ٢٠ کلچې د لاس وینځلو صابون ووېشل شو.
د یادولو وړ ده، چې یاد توکي د کابل ولایت له پېښو سره د مبارزې آمادګۍ ریاست له ګدامونو څخه د نقلیه وسایطو په واسطه ولیږدول شوې، چې د مرستو ترلاسه کوونکو کورنیو یې په تر لاسه کولو سره خوښي څرګنده کړه او له مسؤلینو څخه یې د پر وخت رسېدنې په پار مننه وکړه.
نېټه: ۱۴۴۷/۰۲/۰۶ هـ ق
له پېښو سره د مبارزې آمادګۍ ملي اداره
