د څارنې او ارزونې مرکزي پلاوي د بلخ ولایت له پېښو سره د مبارزې آمادګۍ ریاست له چارو څخه څارنه وکړه

د څارنې او ارزونې مرکزي پلاوي، چې له پېښو سره د مبارزې آمادګۍ ملي ادارې د سرپرست د لارښوونې پر بنسټ یې، د یادې ادارې د ولایتي ریاستونو د کړنو څخه د کتنې او څېړنې په موخه د هېواد شمال او شمال ختیځ زون ته سفر کړی وو، د تېرې شنبې په ورځ یې، د سمنګان ولایت له پېښو سره د مبارزې آمادګۍ ریاست له کړنو څخه څارنه وکړه.
دغه پنځه کسیز پلاوی، چې د زلزلې کارپوه، د NDMIS عمومي مدیر، د پالیسیو او پروګرامونو د تطبیق د څارنې کارپوه، د اطلاعاتو عمومي مدیر او د HRMIS مسلکي غړي پکې شتون لرلو، د څارنې او لارښوونې له لارې یې د یاد ریاست د کاري لړۍ د ښه والي په موخه، وروسته له بلخ ولایت څخه یې د سمنګان ولایت ته سفر وکړ. 
په پیل کې، یاد پلاوي د دې ریاست له پېښو سره د مبارزې آمادګۍ له رئیس سره وکتل او د خپل سفر موخه یې ورته بیان کړه او ویې ویل، چې د ادارې د سرپرست په لارښوونه د خدمتونو د وړاندې کولو د لړۍ د غوره والي په موخه استول شوی دی.
یاد پلاوی وایي، چې د یوې ورځې په ترڅ کې یې، د سمنګان ولایت له پېښو سره د مبارزې آمادګۍ ریاست له ټولو شعبو، فعالیتونو، دوسیو او اړوند اسنادونو څخه څارنه وکړه او له ټولو کار کوونکو څخه یې د هغوی د کاري پلانونو او د دندو د لایحو په هکله د معلوماتو غوښتنه وکړه او هغوی ته یې د کارونو د پر وخت ترسره کولو په موخه توصیه وکړه.
د یادوني وړ ده، چې دغه ټیم په تېرو ورځو کې د بغلان، کندز، تخار، بدخشان، جوزجان،فاریاب، سرپل او بلخ ولایتونو له پېښو سره د مبارزې آمادګۍ ریاستونو څېړنه وکړه، چې تېره ورځ دا لړۍ د هېواد د شمال او شمال ختیځ زونونو د ولایتونو له بررسۍ وروسته په بریالیتوب سره پای ته ورسېده.

نیټه: ۱۴۴۶/۰۹/۰۳