د پکتیکا ولایت ولایتي شورا غړو سره پېښو ته د رسېدو په چارو کې د دولت وزیر لیدنه
![Meeting](/sites/default/files/2020-07/5.jpg)
ښاغلي غلام بهاوالدین جیلاني پېښو ته د رسېدو په چارو کې د دولت وزیر پکتیکا ولایت ته د خپل سفر پرمهال د پکتیکا ولایت ولایتي شورا غړو سره لیدنه او خبرې وکړې.
دغه غونډه په وقایوي پړاونو کې د پېښو مدیریت په برخه کې همکاري او همغږۍ رامنځته کولو، د طبیعي پېښو له امله زیانمنو ته ځواب ویلو او چمتووالي په موخه ترسره شوه.
لومړۍ د پکتیکا ولایت ولایتي شورا محترمو غړو په دغه ولایت کې د طبیعي پیښو له امله رامنځته شويو تلفاتو او زیانونو ته په اشارې سره، د پېښو له امله زیانمنو ته د رسېدو او احتمالي پېښو پر وړاندي د خلکو د زیانمنتوب څخه د مخنیوي لپاره د وقایوي برنامو پلي کیدو غوښتنه وکړه.
په ورته وخت کې، پېښو ته د رسېدو په چارو کې د دولت وزیر د طبیعي پېښو په مدیریت کې د ولایتي شورا د ونډې مهم ګڼلو سره وویل: چې دغه وزارت د چمتوالي، پوهاوي، او د طبیعي پېښو له امله زیانمنو ته د رسېدو په پړاوونو کې د پېښو مدیریت په برخه کې نوی برنامې لري. او د پکتیکا ولایتي شورا غړو ته یې د لا زیاتي همکارۍ ژمنه ورکړه.
![Paktika](/sites/default/files/inline-images/6_1.jpg)