د پکتیا ولایت ګرده څېړۍ ولسوالۍ ته د ماین پاکۍ او د سروې تخنیکي ټیم ولېږدول شو
له پېښو سره د مبارزې آمادګۍ ملي ادارې د سرپرست، الحاج ملا نورالدین ترابي په لارښوونه، د ګرده څېړۍ ولسوالۍ د خلکو په غوښتنه د ماین پاکۍ او د سروې تخنیکي ټیم یادې ولسوالۍ ته ولېږدل شو.
ویل کېږي چې د دې سیمې په شنو سیمو کې د پام وړ چاودیدونکي توکي شتون لري چې د خلکو ژوند یې له ګواښ سره مخ کړی و. په همدې موخه، د ماین پاکۍ ټیمونه د ماین پاکۍ د انسجام او همغږۍ د رئیس قاري نورالدین رستمخېل او د پکتیا ولایت له پېښو سره د مبارزې آمادګۍ رئیس مولوي نثار احمد نجات، سره یوځای سیمې ته رسېدلي او د ماینونو د پاکولو عملیات یې پیل کړي دي.
د یادونې وړ ده چې دا مهال یو تخنیکي ټیم د سیمې د پاکولو په چارو بوخت دی، او ډېر ژر به نور ټیمونه هم ور ورسېږي، ترڅو دا بهیر په لنډ ممکن وخت کې بشپړ شي.
نېټه:۱۴۶۶/۹/۸
له پېښو سره د مبارزې آمادګۍ ملي اداره
