د پروان ولایت له پېښو سره د مبارزې آمادګۍ ریاست ۳۱ زیانمنو کورنیو ته نغدي مرستې ووېشلې
د پروان ولایت له پېښو سره د مبارزې آمادګۍ ریاست، د یاد ولایت په شینوار ولسوالۍ کې د سختو بارانونو له امله زیانمنو او په ترافيکي پېښه کې د شهیدانو ورثه او ټپیانو ۳۱ کورنیو ته نغدي مرستې وویشلې.
په دې بهیر کې د مسؤلینو په شتون کې، د شینوار ولسوالۍ د آستامې درې په سیمه کې د موټر د چپه کېدو له امله د ۸ شهیدانو کورنیو هرې یوې ته ۱۰,۰۰۰ افغانۍ، د همدې پېښې ۲۱ تنه ټپیانو هر یو ته ۵,۰۰۰ زره افغانۍ او د صوفيخېل کلي هغه ۲ کورنۍ چې د وروستیو سختو بارانونو له امله یې کورونه ونړېدل او د کورنیو ۲ تنه یې شهیدان شول، هرې کورنۍ ته ۱۵,۰۰۰ افغانۍ نغدي پیسې ووېشل شوې، چې ټولټال یو لک او پنځه نوي زره (۱۹۵,۰۰۰) افغانۍ نغدي پیسې د یاد شمېر کورنیو لپاره ځانګړې شوې وې.
