د ننګرهار ولایت په مهمند دره ولسوالۍ کې د یو محافظوي دیوال د جوړولو کار بشپر او ګټې اخیستنې ته وسپارل شو
د ننګرهار ولایت له پېښو سره د مبارزې آمادګۍ ریاست د آسیا په کچه د نړیوالو خدمتونو موسسې (CWSA) په مالي ملاتړ، د دې ولایت د مهمند درې ولسوالۍ په هزار ناوجار کلي کې د ۲۳۵ متره په اوږدوالي او ټولټال د اته دېرش زره او اته سوه یو پنځوس (۳۸,۸۵۱) ډالرو په ارزښت د یو محافظوي دیوال جوړولو کار بشپړ کړ او ګټې اخیستنې ته یې وسپاره.
د دې پروژې کارونه د نوي سادات ساختماني شرکت له لوري ترسره شول او د پروژې په بشپړېدو سره ۵۰۰ کورنۍ، زرګونه جریبه کرنیزه ځمکه، جوماتونه او ښوونځي د سېلاب له خطره څخه خوندي شول.
د سیمې اوسېدونکو د پروژې د ګټې اخیستنې په پار خوښي وښوده او د هغوی د ځان او مال د خوندیتوب په برخه کې یې دا یو مهم ګام وباله او له پېښو سره د مبارزې آمادګۍ ریاست او یادې موسسې څخه مننه او قدرداني وکړه.
نېټه:۱۴۴۷/۶/۱۸ هـ ق
له پېښو سره د مبارزې آمادګۍ ملي اداره
