د ننګرهار ولایت له پېښو سره د مبارزې آمادګۍ ریاست ۲۰۱ زیانمنو او مستحقو کورنیو ته نغدي مرستې ووېشلې
له پېښو سره د مبارزې آمادګۍ ادارې او د ARCI موسسې ترمنځ د لاسلیک شوي هوکړه لیک له مخې، چې د پروژې تمویل کوونکی یې د خوړو نړیوال پروګرام (WFP) دی، د ننګرهار ولایت له پېښو سره د مبارزې آمادګۍ ریاست د یادې موسسې په تخنیکي ملاتړ، د دې ولایت په مرکز او بټي کوټ ولسوالۍ کې ۲۰۱ زیانمنو او مستحقو کورنیو ته له سروې وروسته نغدي مرستې ووېشلې.
په دې بهیر کې د مسؤلینو په شتون کې هرې کورنۍ ته ۵,۸۰۰ افغانۍ ووېشل شوې، چې په ټولیز ډول یو میلیون او یو لک او پنځه شپېته زره او اته سوه (۱,۱۶۵,۸۰۰) افغانۍ نغدي پیسې د یاد شمېر کورنیو لپاره ځانګړې شوې وې.
نېټه: ۱۴۴۸/۱/۷ هـ ق
له پېښو سره د مبارزې آمادګۍ اداره
