د ننګرهار ولایت له پېښو سره د مبارزې آمادګۍ ریاست ۱۴۹ زلزله ځپلو کورنیو ته د غیرې خوراکي توکو مرستې وویشلې
له پېښو سره د مبارزې آمادګۍ ملي ادارې او د AICS مؤسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې مؤسسې په مالي ملاتړ، او د pangea اوSDA مؤسسې په تخنیکي همکارۍ، د یاد ولایت د دره نور ولسوالۍ په مجګنډول کلي کې ۱۴۹ زلزله ځپلو کورنیو ته له سروې وروسته د غیرې خوراکي توکو مرستې ووېشلې.
په دې لړۍ کې د مسؤلینو په شتون کې، ۹۶ کورنیو هرې کورنۍ ته ۳ متره پلاستیک ۵۰ متره رسۍ، ۴۰ کورنیو هرې یوې ته ۴ تختې یو نفري کمپلې، یو تخته دوه نفري کمپلې، ۴ د ماشومانو جاکټونو، یو د نارینه جاکټ، یو زنانه جاکټ، ۲ زنانه شالونه، ۲ د نارینه څادر،۱۲جوړې جرابې، ۴ جوړې دستکشې، ۴ د ماشومانو خولۍ، یو عدد ۱۰ کیلویي د ګاز سلنډر،۱۰ کیلو او یوه ګازي بخارۍ، ۱۳ کورنیو هرې کورنۍ ته ۱۰ کیلویی ګازډبه، ۱۰ کیلو ګاز او یوه ګازي بخارۍ ووېشل شوه.
د یادونې وړ ده، چې مرسته اخیستونکو کورنیو له مرستو ترلاسه کولو وروسته خوښي څرګنده کړه او له اړوندو مسؤلینو څخه یې د دوی ستونزو ته د پر وخت رسېدنې له امله مننه وکړه.
نېټه: ۱۴۴۷/۷/۱۶ هـ ق
له پېښو سره د مبارزې آمادګۍ ملي اداره
