د میدان وردګ ولایت په سیدآباد ولسوالۍ کې یو عدد هاوان او د ٧٦ عدده نويو توپ مرمیو V24 فیوزونه کشف شول
د میدان وردګ ولایت له پېښو سره د مبارزې آمادګۍ ریاست د ایریا QRT-04 ماین پاکۍ مؤسسې په ملاتړ، د دې ولایت د سیدآباد ولسوالۍ په شیخ آباد او زرني سیمو کې یو عدد هاوان، د ٧٦ عدده نويو توپ مرمیو V24 فیوزونه او یو عدد د ګرنوف سه پایه کشف او د میدان وردګ ولایت اړوند د سیدآباد ولسوالۍ د استخباراتو مسؤلینو ته وسپارل.
د یادونې وړ ده، چې د میدان وردګ ولایت له پېښو سره د مبارزې امادګۍ ریاست مسئولینو له خلکو غوښتي دي، چې د هر ډول مشکوکو يا چاودېدونکو توکو د لیدو په صورت کې دې، ژر تر ژره له اړوندو مسؤلينو سره اړيکه ونيسي، تر څو یې د خنثی کولو لپاره اړين اقدامات ترسره شي.
نېټه: ۱۴۴۷/۶/۲۹ هـ ق
له پېښو سره د مبارزې آمادګۍ ملي اداره
