د میدان وردګ ولایت له پېښو سره د مبارزې آمادګۍ ریاست ٦٩ کورنیو ته غیر خوراکي مرستې ووېشلې
د میدان وردګ ولایت له پېښو سره د مبارزې آمادګۍ ریاست د DRC موسسې په مالي ملاتړ، د سیدآباد ولسوالۍپه تنګي او شنیز سیمو کې د تېرو سېلابونو له امله ٦٩ زیانمنو کورنیو ته غیر خوراکي مرستې ووېشلې.
په دې مرستو کې هرې کورنۍ ته یو روغتیایي کېټ چې دوه د اوبو بوشکې، یو د اوبو سطل، شامپو، د لاس او جامو مینځلو صابون، د غاښونو کریم، د غاښونو برس او دستمالونه پکې شامل وو, یاد شمېر کورنیو ته ووېشل شول.
د یاد ریاست رییس، مولوي فیض الله جلالي ووېل چې دا مرستې بسنه نه کوي او د افغانستان اسلامي امارت د خپلو بېوزله هېواد والو ملاتړ ته ژمن دی او تل په دې هڅه کې دی, چې د خپلو هېوادوالو لپاره د لا زیاتو مرستو زمینه برابره کړي.
نیټه: ۱۴۴۶/۶/۲۲
له پېښو سره د مبارزې آمادګۍ ملي اداره
