د سمنګان ولایت له پېښو سره د مبارزې آمادګۍ ریاست ۵۴۹ کورنیو ته خوراکي او غیرخوراکي مرستې ووېشلې
د سمنګان ولایت له پېښو سره د مبارزې آمادګۍ ریاست له خپلو امکاناتو څخه ګټې اخیستنې او د OAWCK موسسې په مالي ملاتړ، د دې ولایت په دره صوف بالا او حضرت سلطان ولسوالیو کې ۵۴۹ سېلاب ځپلو او مستحقو کورنیو ته تر سروې وروسته خوراکي او غیرخوراکي مرستې ووېشلې.
په دې بهیر کې، د مسؤلینو په شتون کې له پېښو سره د مبارزې آمادګۍ ریاست له لوري ۸۰ کورنیو هرې یوې ته، ۲ بورۍ غنم، د پخلنځي توکو یوه بسته او ۳۰ کورنیو ته چې کورونه یې بشپړ ویجاړ شوي وو، هرې کورنۍ ته یو باب خیمه هم ووېشل شوه. همدارنګه، د OAWCK موسسې له لوري ۴۶۹ کورنیو هرې یوې ته د حفظ الصحې یوه بسته ووېشل شوه او یادو کورنیو لپاره د حفظ الصحې په اړه د پوهاوي یو ورځنی پروګرام هم ترسره شو.
نېټه:۱۴۴۷/۱۲/۷ هـ ق
له پېښو سره د مبارزې آمادګۍ اداره
