د سمنګان ولایت له پېښو سره د مبارزې آمادګۍ ریاست ۴۸۵ کورنیو ته نغدې او غیرخوراکي مرستې ووېشلې
له پېښو سره د مبارزې آمادګۍ ملي ادارې او د OHW موسسې ترمنځ د لاسلیک شوي هوکړه لیک له مخې، د سمنګان ولایت له پېښو سره د مبارزې آمادګۍ ریاست د یادې موسسې په ملاتړ، د دې ولایت په فیروزنخچیر ولسوالۍ کې ۴۸۵ کورنیو ته چې کورونه یې د تېرې زلزلې له امله په نیمه او بشپړ ډول ویجاړ شوي وو، له سروې وروسته نغدې او غیرخوراکي مرستې ووېشلې.
په دې لړۍ کې د مسؤلینو په شتون کې له یاد شمېر کورنیو څخه ۲۱۵ کورنیو هرې یوې ته ۱۳,۲۷۰ افغانۍ او یو روغتیایي کېټ او ۲۱۲ کورنیو هرې یوې ته ۱۱,۲۷۹ افغانۍ او ۵۸ کورنیو هرې یوې ته یو روغتیایي کېټ ووېشل شو او د وېشل شویو نغدو مرستو اندازه ټولټال پنځه میلیونه او دوه سوه څلور څلوېښت زره او یو سل او اته نوي (۵,۲۴۴,۱۹۸) افغانۍ کېږي.
نېټه:۱۴۴۷/۶/۳۰ هـ ق
له پېښو سره د مبارزې آمادګۍ ملي اداره
