د سمنګان ولایت له پېښو سره د مبارزې آمادګۍ ریاست ١٥٠ زلزله ځپلو کورنیو ته خوراکي او غیر خوراکي مرستې ووېشلې
له پېښو سره د مبارزې آمادګۍ ملي ادارې او د بشري ټولنې مرستو AHS مؤسسې ترمنځ د لاسلیک شوي هوکړه لیک له مخې، د سمنګان ولایت له پېښو سره د مبارزې آمادګۍ ریاست د یادې مؤسسې په ملاتړ، د دې ولایت په مرکز کې ١٥٠ زلزله ځپلو کورنیو ته له سروې وروسته خوراکي او غیر خوراکي مرستې ووېشلې.
د مرستو په دې ویش کې د مسولینو په شتون کې هرې کورنۍ ته ۳۰ کیلو لرګي، ٢ تختې کمپلې، ٦ عدده جمپر، ٢٥ کیلو اوړه، ١٠ کیلو وریجې، ٥ لیټره غوړي او ٧ کیلو بوره ووېشل شوه.
نېټه: ۱۴۴۷/۰۶/٢٥ هـ ق
له پېښو سره د مبارزې آمادګۍ ملي اداره
