د خدمتونو د وړاندې کولو بهیر
له پېښو سره د مبارزې آمادګۍ ملي ادارې د خدمتونو وړاندې کولو بهیر
له پېښو سره د مبارزې آمادګۍ ملي اداره, د پېښو د مدیریت، د بشري مرستو د همغږۍ او د افغانستان د ماین پاکۍ پروګرام د انسجام او همغږۍ په برخه کې د یوې مسؤلې ادارې په توګه فعالیت کوي. دغه اداره د پېښو پر وړاندې د چمتووالي، د پېښو د خطرونو کمولو، په بیړنیو حالاتو کې پېښو ته د ځواب وینې، له پخوا په ښه توګه د بیا رغونې او د ماینونو او ناچاودو توکو څخه د سیمو د پاکولو په برخو کې فعالیت کوي.
د وقایوي پروژو پلي کېدل کوم پړاوونه ترسره کوي؟
هغه خلک چې د هغوی د ژوند یا د کار سیمې د طبیعي پېښو له خطر سره مخ دي، د وقایوي پروژو د پلي کېدو او د خطر د کمولو لپاره باید لاندې پړاوونه تعقیب کړي:
- له پېښو سره د مبارزې آمادګۍ ملي ادارې مقام ته په مرکز کې/د ولسوالۍ یا په ولایتونو کې د ولایت د والي مقام ته د پېښو له خطر سره مخ د خلکو لخوا یا د هغوی د سیمهییز مسؤل له لارې د غوښتنلیک وړاندې کول؛
- غوښتنې ته د رسېدنې په موخه د اړوند ولایت له پېښو سره د مبارزې آمادګۍ ریاست ته په مرکز کې د ادارې د محترم مقام/ په ولایت کې د والي لخوا حکم ورکول؛
- په مرکز کې د ادارې د مقام/د ولایت مقام د حکم له صادرېدو وروسته، د پروژې د پلي کېدو لپاره د تخنیکي پلاوي لخوا د تثبیت شویو سیمو سروې او ارزونه کول؛
- د (سروې، ډیزاین او لګښت د ارزونې) وروسته، وقایوي پروژه په تثبیت شویو سیمو کې پلي کېږي.....
