د بامیان ولایت له پېښو سره د مبارزې آمادګۍ ریاست ۴۹۱ کورنیو ته نغدي مرستې ووېشلې
د ژغورنې نړیوالې کمېټې سره له پېښو سره د مبارزې آمادګۍ ملي ادارې د هوکړه لیک له مخې، د بامیان ولایت له پېښو سره د مبارزې آمادګۍ ریاست د یادې کمېټې په مالي ملاتړ، په سیغان ولسوالۍ کې ۴۹۱ زیانمنو او مستحقو کورنیو ته نغدي مرستې ووېشلې.
په دې لړۍ کې په هر پړاو کې د هرې کورنۍ لپاره ۲۷۰۰ افغانۍ په پام کې نیول شوي او دا برنامه د شپږو میاشتو لپاره به دوام وکړي. اوس مهال یې د لومړي او دویم قسط مرستې یوځای ترسره شوې، چې هرې کورنۍ ته ۵۴۰۰ افغانۍ ووېشل شوې.
په مجموع کې ۲,۶۵۱,۴۰۰ افغانۍ د سیمه ییزو مسئولینو په شتون کې په شفافه توګه ووېشل شوې.
نېټه: ۱۴۴۶/۶/۵
له پېښو سره د مبارزې آمادګۍ ملي اداره
