د بامیان ولایت له پېښو سره د مبارزې آمادګۍ ریاست ۲۰۷ اجباري راستنو شویو کورنیو ته خوراکي او غیرخوراکي مرستې ووېشلې
د بامیان ولایت له پېښو سره د مبارزې آمادګۍ ریاست ۲۰۷ راستنو شویو کورنیو ته چې له ګاونډیو هېوادونو ایران او پاکستان څخه په اجباري ډول اېستل شوې او په یاد ولایت کې ځای پر ځای شوې وې، خوراکي او غیرخوراکي مرستې ووېشلې.
دا مرستې د بامیان ولایت له پېښو سره د مبارزې آمادګۍ رئیس، د ولایت مقام او د افغاني سرې میاشتې استازو په شتون کې ووېشل شوې، په دې مرستو کې هرې کورنۍ ته یوه بورۍ ۵۰ کیلویي اوړه، ۵ کیلو بوره، نیم کیلو تورچای او یو روغتیایي کېټ ووېشل شول.
ځايي مسؤلینو د همکاریو پر دوام ټینګار وکړ او ویې ویل چې د دې مرستو موخه د بېرته راستنېدونکو کډوالو اساسي اړتیاوو ته بېړنۍ رسېدنه او د هغوی د معیشتي ستونزو کمول دي. هغوی ډاډ ورکړ چې د لا زیاتو مرستو د جلب او د اړمنو کورنیو د ملاتړ لپاره به هڅې دوام ولري.
نیټه: ۱۴۴۷/۰۸/۱۲ هـ ق
له پېښو سره د مبارزې آمادګۍ ملي اداره
