د بادغیس ولایت له پېښو سره د مبارزې آمادګۍ ریاست د وچکالۍ له امله ۲,۳۷۵ اغېزمنو شویو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د IRC کمېټې ترمنځ د لاسلیک شوي هوکړه لیک له مخې، د بادغیس ولایت له پېښو سره د مبارزې آمادګۍ ریاست د یادې کمېټې په مالي ملاتړ، د دې ولایت په آبکمري ولسوالۍ کې د وچکالۍ له امله ۲۳۷۵ اغېزمنو شویو کورنیو ته له سروې وروسته نغدي مرستې ووېشلې.
په دې لړۍ کې د مسؤلینو په شتون کې هرې کورنۍ ته، ۸،۳۰۰ ووېشل شوې، چې ټولټال د یاد شمېر کورنیو لپاره نولس میلیونه او اوه سوه او دوولس زره او پنځه سوه (۱۹،۷۱۲،۵۰۰) افغانۍ ځانګړې شوې وې.
نېټه: ۱۴۴۷/۶/۲۷ هـ ق
له پېښو سره د مبارزې آمادګۍ ملي اداره
