د الخدمت بنسټ موسسې ۸۰ ټنه خوراکي او غیر خوراکي توکي پېښو ته د رسېدو په چارو کې د دولت وزارت سره مرسته وکړه
ننګرهار- د غویي ۳۰مه- ۱۴۰۱
د پاکستان اسلامي جمهوریت د الخدمت فاوندیشن تېره ورځ ۸۰ ټنه خوراکي او غیر خوراکي توکې د تورخم بندر له لارې پېښو ته د رسېدو په چارو کې د دولت وزارت سره مرسته وکړه.
د دغو مرستو د سپارلو په پروګرام کې مولوي شمس الدین حقیار، پېښو ته د رسېدو په چارو کې د دولت وزارت د نړیوالو اړیکو رییس د پاکستان اسلامي جمهوریت او د الخدمت فاوندیشن د مرستو په ستایلو سره وویل: دغه مرستې به د وروستیو سیلابونو څخه زیانمن شویو ته د رسېدنې لپاره د ولایتونو زیانونو ته په پام سره زیانمن شویو ته د رسېدنې او خواخوږي په پار ولېږل شي.
په دوام کې خالد وقاص د خیبرپشتونخواه د الخدمت فاوندیشن رییس 80 ټنه مرستو ته په اشارې سره وویل: په دغو مرستو کې اوړه، وریجې، غوړي، بوره، مالګه، درمل، بالشت او توشکې شامل دي، چې زیانمن شویو ته د رسېدو په پار پېښو ته د رسېدو په چارو کې د دولت وزارت سره مرسته وشوه او همدارنګه ژمنه یې وکړه ترڅو د ا.ا.ا سره به نورې بشرې مرستې هم ترسره شي.
د یادونې وړ ده چې د پاکستان اسلامي جمهوریت ۷ ټنه بشري مرستې چې اوړه، غوړي، بوره، خیمې او ترپال په کې شامل و، د مولانا محمد جلال الدین بلخي هوایي ډګر له لارې د هیواد سویلي ولایتونو سره مرسته کړې ده.
