د زابل والي د طبعي پېښو سره د مبارزې وزارت له پلاوي سره وکتل•
![تصویر خبر](/sites/default/files/2024-02/whatsapp_image_2024-02-12_at_1.45.52_pm_0.jpeg)
زابل – 22/ 11/ 1402
د زابل ولايت والي الحاج مولوي حزب الله افغان نن په خپل کاري دفتر کې د ا.ا.ا د طبعي پیښو سره د مبارزې وزارت اړوند له راغلي پلاوي سره وکتل،
له مرکز څخه راغلي پلاوي چې مشري یې مولوي احمد شاه ذهین پر غاړه درلوده او قاري احمد شا مشال، روح الله سديد او فريدالله متوکل یې ملتیا کوله لومړی ښاغلي ذهین د خپل سفر اړوند معلومات له محترم افغان سره شريک کړل ښاغلي ذهين وويل؛ غواړي د اسکان موقت کمېټې سره وګوري او هغوي چې کوم فعالیتونه تر سره کړي اوکومې لاسته راوړنې د راستنېدونکو کډوالو لپاره لري • له نژدې وڅاري اوګزارش له ځان سره مرکز ته يوسي
ښاغلي افغان د مننې ترڅنګ وويل چې په زابل ولايت کې د راستنېدونکو کډوالو لپاره هيڅ کومه ستونزه تردا وخته شتون نه لري • همدارنګه ښاغلي افغان د دوی په راتګ زابل ته د خوښي په څرګندولو سره د هرډول همکارۍ ډاډ ورکړ.