په پنجشیر ولایت کې د یو ښوونځي دېوال د تحکیم کاري چارې پیل شوې
د پنجشېر ولایت له پېښو سره د مبارزې آمادګۍ ریاست د ملسپه کلي د اوسېدونکو په همکارۍ د بيبي عایشه صدیقه ښوونځي د حفاظتي ګبیوني دېوال چې د اوبو د وروستۍ لوړېدو له امله زیانمن شوی و، د تحکیم کاري چارې پیل کړې. دا دیوال ۷۰ متره اوږدوالی او ۱ متره پلنوالی لري او د تېرو زیانونو له امله یې بېړني استحکام او بیا رغونې ته اړتیا درلوده.
د دې اقدام ترڅنګ، له پېښو سره د مبارزې آمادګۍ ریاست هغو کسانو ته د خوراکي توکو مرستې هم وړاندې کوي چې د دې چارو په ترسره کولو کې یې همکاري کړې، څو د هغوی د ګډون قدرداني په عمل کې ترسره شي.
له پېښو سره د مبارزې ولایتي کمېسیون د تخنیکي پلاوي د راپور له مخې، د دې دیوال تحکیم کاري به د نورو ویجاړیو د مخنیوي سربېره، د یاد تعلیمي مرکز د ساتنې په برخه کې مهم رول ولوبوي.
نېټه:۱۴۴۷/۶/۱۷
له پېښو سره د مبارزې آمادګۍ ملي اداره
