په افغانستان کې د آیمپ موسسې له نوي استازي سره پېښو ته د رسېدو په چارو کې د دولت وزیر لیدنه
کابل_د کب ۲۶مه ـ ۱۳۹۹
غلام بهاوالدین جیلاني پېښو ته د رسېدو په چارو کې د دولت وزیر، نن له غرمې مخکې د ښاغلي ویکاس ګویل، په افغانستان کې د آیمپ موسسې نوي استازي سره وکتل.
پدې لیدنه کې دواړو خواوو د پېښو ښه مدیریت لپاره د معلوماتي سیستم د ښه والي په څرنګوالي، د آیمپ موسسې کارکونکو لپاره د زیاتو امکاناتو برابرولو او د کارکونکو په زیاتوالی باندې، چې پېښو ته د رسېدو په چارو کې د دولت وزارت سره همغږۍ کار کوي، هر اړخېزې خبرې وکړې.