له پېښو سره د مبارزې آمادګۍ ملي ادارې سرپرست د جګړه ځپلو ماشومانو لپاره د انګلستان د موسسې له سرپرست جورډن لم سره وکتل
![news image](/sites/default/files/2024-09/whatsapp_image_2024-09-03_at_1.05.42_pm.jpeg)
کابل _ د صفرالمظفر ۳۰- ۱۴۴۶
له پېښو سره د مبارزې آمادګۍ ملي ادارې سرپرست، الحاج ملا نورالدین ترابي نن سهار په خپل کار په دفتر کې د جګړه ځپلو ماشومانو لپاره د انګلستان د موسسې War Child له سرپرست جورډن لم سره وکتل.
په یاده لیدنه کي د ۵۹۴،۲۲۲ امریکایي ډالرو په ارزښت ۵۰۴۰ جګړه ځپلو ماشومانو ته په بلخ، جوزجان او بادغیس ولایتونو کې د رسېدنې لپاره تفاهم نامه لاسلیک کړ.
په دې کتنه کې محترم الحاج ملا نورالدین ترابي ووېل: زما د کار پالیسی داسې ده چې د موسسو لپاره آسانتیاوې رامنځته کړم او د دوی کارونه په وخت ترسره کړم. له دوی نه هم غوښتنه لرم چې خپل کارونه په چټکۍ او شفافیت سره ترسره کړي. همدارنګه نوموړي د پروژو پلي کولو د زمینې برابرولو لپاره هم د همکاري کولو ژمنه وکړه.
ورپسې د جګړه ځپلو ماشومانو لپاره د انګلستان د موسسې سرپرست جورډن لم، د پروژې د تطبیق لپاره د زمینې برابرولو څخه د مننې او قدردانۍ په ترڅ کې وویل: موږ ژمن یو چې یاده پروژه په ټاکلي وخت کې پلي کړو او د پروژې د شفافیت په اړه یې هم ډاډ څرګند کړ.
د یادونې وړ ده چې، یاده پروژه د طبیعي پېښو له امله زیانمنو ماشومانو لپاره ده چې، د روزنیزو مرکزونو جوړولو، د ماشومانو د ذهني پرمختګ لپاره رواني درماني خدمات، قرطاسیې، خوراکي توکي او نغدي مرستې پکې شاملې دي، او یاده پروژه به د بلخ، جوزجان او بادغیس ولایتونو په ۷ ولسوالیو (چمتال، مزار شریف، خانقاه، شبرغان، مقر، بالا مرغاب، آب قمري او غور ماچ ) کې پلي سی.
![تصویر خبر](/sites/default/files/inline-images/WhatsApp%20Image%202024-09-03%20at%201.05.41%20PM.jpeg)