له پېښو سره د مبارزې آمادګۍ ملي ادارې او د یو شمېر نړیوالو موسسو ترمنځ د همغږۍ غونډه ترسره شوه
نن ماسپښین د چهارشنبې په ورځ، له پېښو سره د مبارزې آمادګۍ ملي ادارې او د یو شمېر نړیوالو موسسو تر منځ د همغږۍ او د همکاریو د پیاوړتیا په موخه ناسته د یادې ادارې د نړيوالو په رياست کې ترسره شوه.
په دې ناسته کې د دې ادارې له لوري د اطلاعاتو او نشراتو رئیس، محمد یوسف حماد او د نړيوالو اړيکو رياست سرپرست برهانالدین خان شينوارى ګډون کړئ وو، بلمقابل د مؤسساتو په استازولي د ACTED، IRC ،DRC، NAC او CWSA استازو ګډون کړی وو.
په دې ناسته کې دواړو خواوو د دوه اړخیزو همکاریو پراخولو، د مرستو رسولو د بهیر چټکتیا، د مرستندویه ادارو پر وړاندې د موجودو ستونزو حل کولو، د مرستو د کچې لوړولو، او د پېښو سکتور ته ځانګړي شوي بودجې د بېرته ګرځېدو څخه د مخنیوي په اړه خبرې او نظرونه شریک کړل.ګ او همدارنګه د نړيوالو اړيکو سرپرست برهان الدين خان شينوارى لخوا د دې ادارې د اړينو وقايوي پروژو معلومات له يادو مؤسسو سره شريک شو.
په پای کې، دواړو لوریو خپل اغېزناک پلانونه او طرحې وړاندې کړې او د همکاریو پر دوام یې ټینګار وکړ. همداراز پرېکړه وشوه چې په راتلونکې کې به د همغږۍ دا ډول ناستې د ادارې د مشرتابه او همکارو موسسو د مشرتابه ترمنځ هم ترسره شي.
نېټه: ۱۴۴۶/۱۲/۷ هـ ق
له پېښو سره د مبارزې آمادګۍ ملي اداره
