له پیښو سره د مبارزې آمادګۍ ملي ادارې سرپرست په افغانستان کې د يوناما اقتصادى او انکشافى مرستيال سره وکتل
نن ورځ یک شنبه، له پیښو سره د مبارزې آمادګۍ ملي ادارې سرپرست الحاج ملا نورالدین ترابي په افغانستان کې د يوناما اقتصادي او انکشافي مرستيال انډريکا راټ ويټې سره په خپل کاري دفتر کي وکتل.
ترابي صاحب له هرڅه وړاندي راغلي پلاوي ته ښه راغلاست وویل او زیاته یې کړه چي یوناما سازمان تل زموږ سره په بشري اوتخنیکي مرستو کي همکاری کړې ده چي موږ ورڅخه ځانګړي مننه کوو او په راتلونکي کي یی هم پر ګډو همکاریو ټینګار وکړ.
همداراز، د پیښو په برخه کې د بشري کومکونو مديريت کول، د ماينونو دخطراتو په هکله عامه پوهاوۍ او د ماينونو د پاکولو په هکله پر دوه اړخیزو همکاریو باندې ټینګار وسو.
په افغانستان کې د يوناما اقتصادي او انکشافي مرستيال، انډريکا راټ ويټې له پیښو سره د مبارزې آمادګۍ ملي ادارې د سرپرست څخه مننه وکړه چي موږ ته مو وخت راکړ او زیاته یی کړه چي یادي ادارې تل زموږ سره په طبیعي او غیر طبیعي پیښو کي زیاته همکاري کړي ده او موږ به تل هڅه کوو چي د دې ادارې سره همکاره پاته سو.
ښاغلې راټ ويټې زیاته کړه چي موږ داقلمي بدلون د زیانمنو او د وچکالۍ دمخنیوي په اړه څیړنه کوو چي څومره کسان زیانمن کیږي ترڅو موږ پر وخت تدابیر ورته ونیسو او هغه کډوال چي هیواد ته راستانه شوي دي او یاهم راستنیږي موږ به ورته د ناچاودو توکو په اړه عامه پوهاۍ ورکړو.
نیټه: ۱۴۴۶/۶/۶ هــ ق
له پیښو سره د مبارزې آمادګۍ ملي اداره
