د ننګرهار ولایت له پېښو سره د مبارزې آمادګۍ ریاست ۳۵۷ زیانمنو کورنیو ته د غیری خوراکي توکو مرستې ووېشلې
له پېښو سره د مبارزې آمادګۍ ملي ادارې او د RRAA مؤسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې مؤسسې په مالي ملاتړ، د دې ولایت په کوزکنړ او سرخرود ولسوالیو کې ۳۵۷ زیانمنو شویو کورنیو ته له سروې وروسته غیر خوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې، یو لوی روغتیایي کيټ چې پکې ۱۰ کلچي صابون، ۱ عدد صابون داني، ۶ عدده انډر ویر، ۱ عدد بيک، ۷ کلچي د کالیو وینځلو صابون،۱ عدد پلاستيکي ۲۰ لیټره بشکه، ۱ عدد پلاستيکي سطل، ۱ تاملوت، ۴ بنګله د ښځو ځانګړي بهداشتي توکي، ۴ کارتنه دوه متره مربع ټوکر، ۳ عدده د لويانو د غاښونو برسونه، ۴ عدده د ماشومانو د غاښونو برسونه، ۲ عدده د غاښونو کريم، ۲ دست پاکي، ۲ بوتله شامپو، ۱ عدد د ماشومانو کمود او د څښاک اوبو د پاکوالي لپاره ۱ پاکټ کلورین ټابليټ شتون درلود او یو کوچنی روغتیایي کیټ چې پکې ۵ کلچې ډيټول صابون، ۲ تختې کاټن ټوکر، ۳ عدده د لويانو لپاره د غاښونو برسونه، ۱ عدد د غاښونو کریم،۱ عدد د ښځو ځانګړي بهداشتې توکي، ۱ تخته دست پاک، ۲ بوتله شامپو، ۱ عدد سولر ګروپ، ۶ عدده انډر وير او ۱ بيګ شتون درلود ووېشل شول.
نېټه: ۱۴۴۷/۵/۲۱ هـ ق
له پېښو سره د مبارزې آمادګۍ ملي اداره
