د لوګر ولایت په مرکز کې د یو استنادي دیوال، کانال او د واش جوړولو چارې پیل شوې
د عالیقدر امیر المؤمنین حفظه الله د حکم له مخې، په هر ولایت کې د طبیعي پېښو د خطرونو د کمولو په موخه د وقایوي پروژو د جوړولو لپاره یو میلیون افغانۍ ځانګړې شوې دي، چې د لوګر ولایت له پېښو سره د مبارزې آمادګۍ ریاست د یاد ولایت د مرکز په هارون خيل کلي کې د یوه استنادي دیوال، یو کانال او د واش جوړولو د پروژې کار د نه سوه او نه نوي زره او دوه سوه او اوولس (۹۹۹،۲۱۷) افغانیو په ارزښت رسما پیل کړ.
په دې پروژه کې یو استنادي دیوال د ۸۵ متره په اوږدوالي، ۲.۵ متره لوړوالي او ۱ متر په پلنوالي، یو کانال د ۳۷ متره په اوږدوالي، ۱.۹ متره لوړوالي او ۶۰ متره په پلنوالي او همدارنګه د ۳۳ متره په اوږدوالي، ۱.۲ متره لوړوالي او ۶ متره په پلنوالي د واش (په چټکۍ سره د اوبو لېږدونکی) د جوړولو چارې د اړوندو مسؤلینو، مخورو سپین ږیرو او سیمه ییزو اوسېدونکو په شتون کې د یو ساختماني شرکت له لوري پیل شوې.
د یادونې وړ ده، چې د یادې پروژې په پلي کېدو سره به د دې سیمې د اوسېدونکو ځان او مال د سېلابونو له احتمالي زیانونو څخه خوندي شي.
نېټه: ۱۴۴۷/۷/۹ هـ ق
له پېښو سره د مبارزې آمادګۍ ملي اداره
