د غزني ولایت له پېښو سره د مبارزې آمادګۍ ریاست ۲۸۵ زیانمنو کورنیو ته خوراکي او غیرخوراکي مرستې ووېشلې
د غزني ولایت له پېښو سره د مبارزې آمادګۍ ریاست د دې ولایت د مرکز او بېلابېلو ولسوالیو اړوند ۲۸۵ زیانمنو کورنیو ته له سروې وروسته خوراکي او غیرخوراکي مرستې ووېشلې.
د مرستې دا بهیر په دوو کتګوریو کې ترسره شو، چې په لومړۍ کتګورۍ کې ۲۵ کورنیو هرې یوې ته ۵۰ کیلو اوړه، ۵ کیلو بوره، نیم کیلو چای، یو عدد پلاستیکي صندوق، یوه بسته فامیلي کېټ او یوه بسته ګرمه البسه او په دویمه کتګورۍ کې ۲۶۰ کورنیو هرې یوې ته ۵۰ کیلو اوړه او همدارنګه پر یاد شمېر کورنیو ۱۹۲ تختې پلاستیکي ترپالونه، ۴۴ تختې فراشوټي ترپالونه او ۲۴ عدد پلاستیکي صندوق او سطلونه ووېشل شول.
نېټه: ۱۴۴۷/۰۹/۲۹ هـ ق
له پېښو سره د مبارزې آمادګۍ ملي اداره
