د سمنګان ولایت په خرم سرباغ ولسوالۍ کې د یو استنادي دیوال کار بشپړ او ګټې اخیستنې ته وسپارل شو
له پېښو سره د مبارزې آمادګۍ ملي ادارې او د هستوګنې لپاره د آقاخان موسسې ترمنځ د هوکړه لیک له مخې، د سمنګان ولایت له پېښو سره د مبارزې آمادګۍ ریاست د یادې موسسې په همکارۍ, د خرم سرباغ ولسوالۍ په خدریان کلي کې یو استنادي دیوال ګټې اخیستنې ته وسپاره.
یاد دیوال د ٤٦ مترو په اوږدوالي، ٣ نه تر ٨٠ سانتي متره پلنوالي او ٦.٥ مترو په لوړوالي د ١,٨٦٢,٣٠٠ ( ١ میلیون، ٨٦٢ زره او ٣٠٠) افغانیو په لګښت، د ٤٠ ورځو په موده کې جوړ شو.
دا دیوال په یاده سیمه کې د سېلاب د خطر کمولو او مخنیوي په موخه جوړ شوی دی.
د دې پروژې د پرانستې مراسم له پېښو سره د مبارزې آمادګۍ رییس مولوي احسان الله احسان، سیمه ییزو مسؤلینو او د هستوګنې لپاره د آقاخان موسسې د پلاوي په شتون کې ترسره شول.
د سیمې خلکو له دی پروژې څخه قدرداني او خوښي څرګنده کړه.
نېټه: ١٤٤٦/٧/١٣
له پېښو سره د مبارزې آمادګۍ ملي اداره
