د جوزجان ولایت له پېښو سره د مبارزې آمادګۍ ریاست ۵۲۰ مستحقو کورنیو ته خوراکي او غیر خوراکي مرستې ووېشلې 

له پېښو سره د مبارزې آمادګۍ ملي ادارې د لوی رئیس محترم الحاج ملا نورالدین ترابي د لارښوونې له مخې، د جوزجان ولایت له پېښو سره د مبارزې آمادګۍ  ریاست د یاد ولایت له محترم مقام سره په همغږۍ، د دې ولایت په بېلابېلو سیمو کې ۵۲۰ مستحقو کورنیو ته له سروې وروسته خوراکي او غیر خوراکي مرستې ووېشلې. 

په دې لړۍ کې د مسؤلینو په شتون کې، د دښتې لیلې سیمې ۴۰۰ کورنیو هرې یوې ته یوه بورۍ ۵۰ کیلويي غنم، د دې ولایت په مرکز کې ۷۸ کورنیو هرې یوې ته یوه بورۍ ۵۰ کیلویي غنم، د وچکالۍ له امله ۲۰ زیانمنو شویو کورنیو هرې یوې ته درې بورۍ ۵۰ کیلویي غنم، یو د پخلنځي کیټ، یوه تخته کمپله، د اور سوځېدنې، واورو او باران ورېدو له امله ۲۰ زیانمنو شویو کورنیو هرې یوې ته، چې کورونه یې په قسمي توکه ویجاړ شوي وو، درې بورۍ ۵۰ کیلويي غنم، ۲ تختې کمپلې، یو د پخلنځي کیټ او ۱۰ کیلو مایع ګاز او دوو هغو کورنیو ته چې کورونه یې په بشپړه توګه ویجاړ شوي وو په پورتنیو مرستو سره بېره ورته یو باب خېمه هم ووېشل شوه. 

د یادونې وړ ده، چې په یادو مرسته شویو توکو کې خېمې او د پخلنځي کيټ د یاد ولایت د محترم مقام له امکاناتو څخه وو، چې مستحقو کورنیو ته ووېشل شول. 

په پای کې، د مرستو ترلاسه کوونکو کورنیو د دې ادارې او ریاست له مسؤلینو څخه د مننې کولو ترڅنګ د ورته مرستو د دوام غوښته یې وکړه. 

نېټه: ۱۴۴۷/۸/۲۰ هـ ق 

له پېښو سره د مبارزې آمادګۍ ملي اداره