د تخار ولایت له پېښو سره د مبارزې آمادګۍ ریاست ۲۷۰ زیانمنو شویو کورنیو ته د خوراکي او غیر خوراکي توکو مرستې  ووېشلې

د تخار ولایت له پېښو سره د مبارزې آمادګۍ ریاست د طبیعي او غیر طبیعي پېښو له امله زیانمنو شویو ته د رسېدنې په موخه، د دې ولایت په بېلابېلو ولسوالیو کې ۲۷۰ اړمنو کورنیو د خوراکي او غیر خوراکي توکو مرستې ووېشلې.
په دې بهیر کې، هرې کورنۍ ته ١٠٠ کیلو اوړه او ۲۵ کیلو وريجې ووېشل شوې. همداراز هغو ٦ کورنيو ته چې کورونه يې په بشپړه توګه ويجاړ شوي وو، يو باب خېمه هم ووېشل شوه.
د يادونې وړ ده، چې دا مرستې د سيمه ييزو مسؤلینو په شتون کې د مرکز تالقانو، رستاق، کلفګان، ورسج، فرخار، اشکمش، بهارک او نمک آب ولسواليو زيانمنو شويو کسانو ته ووېشل شوې.
د تخار ولایت له پېښو سره د مبارزې آمادګۍ رییس، ملا احمد سیر ساجد، د مرستو د وېش پر مهال له زیانمنو شویو سره وکتل او د خواخوږۍ د څرګندولو تر څنګ یې ډاډ ورکړ، چې یاد ریاست به تل له زیانمنو شویو سره یو ځای وي او هڅه به کوي، چې لا ښه او اغېزمن خدمتونه وړاندې کړي.
په پای کې، زیانمنو شویو او د سیمې مشرانو د په خپل وخت رسېدنې او ملاتړ څخه خوښي څرګنده کړه او د افغانستان اسلامي امارت له مشرتابه او له پېښو سره د مبارزې آمادګۍ  ریاست له مسؤلینو یې مننه وکړه.

نېټه: ١٤٤٦/١١/١٩ هـ ق
له پېښو سره د مبارزې آمادګۍ ملي اداره