د بلخ ولایت له پېښو سره د مبارزې آمادګۍ ریاست د وروستۍ زلزله له امله ۲۰۲ زیانمنو کورنیو ته خوراکي او غیرخوراکي مرستې ووېشلې

د بلخ ولایت له پېښو سره د مبارزې آمادګۍ ریاست د SFL-WFP، UNICEF او د ماشومانو د ملاتړ سازمانونو او موسسو په همکارۍ، ۲۰۲ کورنیو ته چې د یاد ولایت په مزار شریف ښار په بېلابېلو ناحیو او نهرشاهي او دهدادي ولسوالیو کې یې کورونه ویجاړ شوي وو، خوراکي او غیرخوراکي مرستې ووېشلې.
په دې لړۍ کې هرې کورنۍ د خپلې اړتیا له مخې مرستې ترلاسه کړې، په دې توګه چې د SFL-WFP له لوري هرې کورنۍ ته ۱۰۰ کیلو اوړه، ۱ کیلو مالګه، ۲ کیلو بسکېټ، ۱۰ لیټره غوړي او ۱۲.۵ کیلو دال او شېدې خوره ماشومانو او امېندواره مېرمنو لرونکو کورنیو ته ۱.۵ کیلو پلمپي او ۳ کیلو سوپر سریال، د ماشومانو د ملاتړ موسسې هرې کورنۍ ته د ژمنۍ البسې یوه بسته، ۵ تختې کمپلې او یوه روغتیایي بسته، همدارنګه، د UNICEF له لوري هرې کورنۍ ۲۵ قلمه اړین توکي لرونکې یوه فامیلي بسته ترلاسه کړه.
د سیمې اوسېدونکو د مرستو د دې وېش هرکلی وکړ او له پېښو سره د مبارزې آمادګۍ ریاست او یادو سازمانونو څخه قدرداني وکړه. 

نېټه:۱۴۴۷/۵/۲۴ هـ ق
له پېښو سره د مبارزې آمادګۍ ملي اداره