د بادغیس ولایت له پېښو سره د مبارزې آمادګۍ ریاست ۲۲ زیانمنو کورنیو ته خوراکي او غیرخوراکي مرستې ووېشلې
د بادغیس ولایت له پېښو سره د مبارزې آمادګۍ ریاست, د یاد ولایت په قادس, بالامرغاب, آب کمري او مقر ولسوالیو کې ۲۲ کورنیو ته چې د وروستیو بارانونو او سېلابونو له امله زیانمنې شوي وې, له سروې وروسته خوراکي او غیرخوراکي مرستې ووېشلې.
په دې لړۍ کې د مسؤلینو په شتون کې هرې کورنۍ ته ۵۰ کیلو غنم, ۱ کارتن مګي آش, ۳۶ کیلو مکروني, ۵ کیلو مُۍ, ۵ تختې کمپلې, ۵ عدده جمپرونه, ۵ جوړه څپلکې, یوه روغتیایي بسته, یوه بسته البسه او ۱ عدد سطل ووېشل شول. همداراز, له یاد شمېر کورنیو څخه یوې کورنۍ ته چې کور یې په بشپړ ډول ویجاړ شوی و یو باب خیمه هم ووېشل شوه.
نیټه: ۱۴۴۶/۰۹/۱۸
له پېښو سره د مبارزې آمادګۍ ملي اداره
