د بادغیس ولایت له پېښو سره د مبارزې آمادګۍ ریاست ۱۶۵ زیانمنو کورنیو، د شهیدانو ورثه او معلولینو ته خوراکي مرستې ووېشلې
د بادغیس ولایت له پېښو سره د مبارزې آمادګۍ ریاست د طبیعي او غیرطبیعي پېښو له امله ۱۶۵ زیانمنو کورنیو، د شهیدانو ورثه او معلولینو ته د دې ولایت په درهبوم ولسوالۍ کې خوراکي مرستې ووېشلې.
په دې لړۍ کې ۱۳۰ کورنیو ته چې د وچکالۍ له امله زیانمنې شوې وې او ۳۵ کورنیو ته چې د شهیدانو ورثه او معلولین پکې شامل وو. د اړوندې ولسوالۍ د مسؤلینو په شتون کې له سروې وروسته مرستې ووېشل شوې او هرې کورنۍ ته دوه بورۍ ۵۰ کیلويي غنم او ۴ کیلو بوره ووېشل شوه.
د مرستې ترلاسه کوونکو کورنیو د دغې مرستې له امله خوښي څرګنده کړه او د بادغیس ولایت له پېښو سره د مبارزې آمادګۍ ریاست څخه یې مننه وکړه، چې په سختو حالاتو کې له زیانمنو کورنیو سره مرسته او همکاري کوي.
نېټه: ۱۴۴۷/۰۵/۰۳ هــ ق
له پېښو سره د مبارزې آمادګۍ ملي اداره
