د اهل هنودو 100 بيوزله کورنیو ته 4 قلمه خوراکي او غیر خوراکي توکي ووېشل شول
کابل- د کب ۲۹مه – ۱۴۰۰
د دغو مرستو د وېش په پروګرام کې لومړۍ ملاجان سایق، د بېړنیو حالاتو د عملیاتو د مرکز رییس وویل: د ا.ا.ا د افغانستان ټولو خلکو ته په یوه سرتګه ګوري او د سیکانو او اهل هنودو خلک هم له دې امره څخه مستثنا ندي.
ښاغلي سایق زیاته کړه چې نن ورځ د هیواد د اهل هنودو ۱۰۰ بېوزله کورنیو ته ۴ قلمه خوراکي او غیر خوراکي توکي چې ۵۰ کیلو وریجې، ۵۰ کیلو غنم، ۵ کیلو بوره او یک عدد د اوبو سطل هرې کورنۍ ته ووېشل شول.
ورپسې، نرندر سنګ خالصه، د سیکانو او اهل هنودو استازي په خبرو سره د ا.ا.ا په خاصه توګه د پېښو ته د رسېدو په چارو کې د دولت وزارت څخه د ټولنې له دې قشر د ملاتړ په پار مننه وکړه او وویل چې د افغانستان اسلامي امارت او خلکو ترمینځ به پاتې شي.
د یادونې وړ ده چې دغه مرستې د کابل د دشت برچې، قرغه، دارالامان، قصبه او د قمبر څلولارې په سیمو کې مستحقینو ته وېشل شوي دي.
