پېښو ته د رسېدو په چارو کې د دولت وزارت یو تخنیکي پلاوي د ترکیه اسلامي جمهوریت هیواد ته سفر وکړ
ترکیه- کب ۱۶مه-۱۴۰۲
الحاج مولوي شمس الدین حقیار پېښو ته د رسېدو په چارو کې د دولت وزارت د بهرنیو اړیکو رییس، د دې وزارت یو تخنیکي پلاوي په ملتیا د ترکیه اسلامي جمهوریت هیواد ته سفر وکړ او د یاد هیواد د بهرنیو چارو وزارت د TIKA خیریه موسسې استازو، د طبیعي پېښو سره د مبارزې وزارت د بهرنیو اړیکو رییس او د JICA د جاپان هیواد بهرنیو چارو وزارت خیریه موسسې استازو سره یې درې اړخېزه غوڼده او خبرې وکړې.
په دې غونډه کې د پېښو مدیریت په اړه په درې اړخېزه همکارۍ او همغږي خبرې وشوې او پرېکړه وشوه چې یاد سازمانونه به د دې وزارت ۶۰ کسانو تخنیکي کارکونکو ته د طبیعي پېښو مدیریت د ټولو پړاوونو په برخه کې تر راتلونکو درې کلونو پورې روزنه ورکوي.
د یادونې وړ ده چې په دې غونډه کې د بشري مرستو او تخنیکي وسایلو په اړه هم خبرې وشوې او یادو سازمانونو د دې وزارت پلاوي ته د طبیعي پېښو مدیریت په برخه کې د هر اړخېزه همکاري ژمنه ورکړه.
