پېښو ته د رسېدو په چارو کې د دولت وزارت د اطلاعاتو او عامه اړیکو نوی رییس معرفي شو
کابل- د تلې ۲مه-۱۴۰۱
شفیع الله رحیمي د افغانستان اسلامي امارت د رییس الوزرا عالي مقام د د ۲۴/۲/۱۴۴۴ نېټې د ۵۰۱مې شمېرې حکم پر بنسټ د دغه وزارت د اطلاعاتو او عامه اړیکو د نوي رییس په توګه وټاکل شو او نن د یو لړ مراسمو په ترڅ کې د غلام غوث ناصري د مالي او اداري عمومي رییس لخوا، د مولوي عبدالرحمن آخندزاده د دفتر رییس، مولوي محمد سلیم حقانی د پلان او پاليسي رییس، مولوي عبدالخالق د دعوت او ارشاد رییس، ملاجانان سایق د بېړنیو حالاتو د عملیاتو د مرکز رییس، مولوي جاوید عباس د څارنې او ارزونې رییس، سید محمود صدام د تدارکاتو آمر او د یو شمېر ولایتي رییسانو په ګډون کارکونکو ته ور وپېژندل شو او کار يې پیل کړ.
غلام غوث ناصري د مالي او اداري عمومي رییس، ادلو او بدلون د حکومت په سیسټم کې یو اصل وباله، د شفیع الله رحیمي د اطلاعاتو او عامه اړیکو د نوي رییس په توګه ټاکنې ته په مبارکي ویلو سره ووېل چې دغه وزارت د حکومت په چوکاټ کې د همغږي، یوځاۍ کولو او د پېښو مدیریت اړوند ټولو فعالیتونو لکه د خطرونو کمولو او وقایې، زیانمن شویو ته رسېدنه او د بیا رغونې د چارو همغږي کوي. او هیله مند یو چه د اطلاعاتو د رییس په راتګ سره به د پېښو مدیریت په برخه کې اغېزمن فعالیتونه ترسره شي.
ورپسې مولوي عبدالرحمن آخندزاده د دفتر رییس، مولوي محمد سلیم حقانی د پلان او پالیسي رییس، مولوي عبدالخالق د دعوت او ارشاد رییس او ملا جانان سایق د بېړنیو حالاتو د عملیاتو د مرکز رییس هر یو له دیني اړخه پر ادلو او بدلون باندې په خبرو سره شفیع الله رحیمي ته د بریالیتوب هیله مندي وکړه.
وروسته شفیع الله رحیمي د اطلاعاتو او عامه اړیکو رییس د ا.ا.ا او پېښو ته د رسېدو په چارو کې د دولت وزارت له مشرانو څخه د هغه د ټاکنې لپاره مننه وکړه او د خپل کار په اړه د هراړخیزې همکاري کولو ژمنه یې وکړه.
