په پکتیکا ولایت کې د هاوان یوه مرمۍ کشف او خنثی کړل شوه
د پکتیکا ولایت له پېښو سره د مبارزې آمادګۍ ریاست د هلوټرست د نړیوالې ماینپاکۍ مؤسسې په همکارۍ، د یاد ولایت د شکین ولسوالۍ په شمسالدین چيني کلي کې یوه د هاوان مرمۍ چې د تېرو جګړو څخه پاتې وه، وموندله او په خوندي ډول یې شنډه کړه.
یاده مرمۍ که څه هم د استعمال وړ نه وه، خو د خلکو لپاره د خطر لرلو له امله له منځه یووړل شوه او د سیمې اوسېدونکي یې له احتمالي زیان څخه وژغورل شول.
نېټه: ۱۴۴۷/۲/۲۰ هـ ق
له پېښو سره د مبارزې آمادګۍ ملي اداره
