په ننګرهار ولایت کې له ۲۰ زیانمنو کورنیو سره غیرخوراکي مرستې ترسره شوې
ننګرهار- د تلې ۵مه-۱۴۰۲
د کډوالۍ نړۍ وال سازمان د ننګرهار ولایت پېښو سره د مبارزې ریاست سره په همغږي، د یاد ولایت په بهسود، کوزکونړ، مهمند دره، کامه، سره رود ولسوالیو او مرکز جلال آباد ښار کې ۲۰ کورنیو ته چې د وروستیو بارانونو او سېلابونو له امله زیانمنې شوي وې، له سروې وروسته غیرخوراکي مرستې ووېشلې.
په دې مرستو کې هرې کورنۍ ته ۳ تختې کمپلې، د پخلنځي توکي، سولري څراغونه، ۱ تخته سطرنجي او د کور جوړولو وسایل او همدارنګه له یادې جملې ۳ کورنیو ته چې کورونه یې په بشپړډول ویجاړ شوي وو، هرې کورنۍ ته ۱ باب خیمه هم ووېشل شوه.
