په ننګرهار ولایت کې د ۹ شهیدانو ورثه نغدي مرستې ترلاسه کړې
د ننګرهار ولایت له پېښو سره د مبارزې آمادګۍ ریاست، د یاد ولایت سرخ رود، ګوشته، کوټ، بټي کوټ، حصارک او سپین غر ولسوالیو اړوند د ۹ شهیدانو ورثه ته چې د طبیعي پېښو له امله یې کورنۍ غړي شهیدان شوې و، له پېښو سره د مبارزې آمادګۍ ملي ادارې سرپرست د محترم الحاج ملا نورالدین ترابي په لارښوونه، نغدي مرستې ووېشلې.
په دې لړۍ کې د هر شهید کورنۍ ته د ولایت مقام استازي او د یاد ریاست مشر مولوي سیف الله خالد په شتون کې ۴۰،۰۰۰ افغانۍ ووېشل شوې.
نېټه: ۱۴۴۶/۴/۲۰
له پېښو سره د مبارزې آمادګۍ ملي اداره
