په میدان وردګ ولایت کې ۴۳۸ زیانمنو کورنیو ته خوراکي او غیرخوراکی مرستې ووېشل شوې
له پېښو سره د مبارزې آمادګۍ ملي ادارې سرپرست د محترم الحاج ملا نورالدین ترابي په لارښوونه، د میدان وردګ ولایت له پېښو سره د مبارزې آمادګۍ ریاست، ۴۳۸ کورنیو ته چې د یاد ولایت په بېلابېلو ولسوالیو کې د طبیعي پېښو له امله زیانمنې شوي وې، له سروې وروسته خوراکي او غیرخوراکي مرستې ووېشلې.
په دې لړۍ کې هرې کورنۍ د یاد ریاست مشر محترم مولوي فیض الله جلالي په شتون کې ۵۰ کیلو اوړه، ۲۵ کیلو وریجې، ۱ هایجن کېټ، ۱۵ کلچې د لاس منځلو صابون، ۲ جلده د عامه پوهاوي بروشرونه او ۱ جلد د حفظ الصحې بروشر ترلاسه کړ.
همدارنګه محترم مولوي فیض الله جلالي ووېل، چې دا مرستې بسنه نه کوي او په راتلونکې کې به لا زیاتې مرستې ترسره شي.
نېټه: ۲۱/۴/۱۴۴۶
له پېښو سره د مبارزې آمادګۍ ملي اداره
