په میدان وردګ ولایت کې ۱۶۰ زیانمنو کورنیو ته خوراکي او غیر خوراکي مرستې وویشل شوې
د میدان وردګ ولایت له پیښو سره د مبارزې آمادګۍ ریاست د طبیعي، غیر طبیعي او اقلیمي بدلونونو له کبله زیانمنو ۱۶۰ کورنیو ته د جغتو ولسوالۍ په بېلابېلو سیمو کې له کره سروې وروسته خوراکي او روغتیایي مرستې ووېشلې.
دغه مرستې د مقام ولایت په لارښوونه، د هرې کورنۍ لپاره ۵۰ کیلوګرامه اوړه، ۲۵ کیلوګرامه وریجې، د یونیسف موسسې لخوا د حفظ الصحې کیټ او د عامه پوهاوي بروشرونه ووېشل شول.
د دې ریاست محترم رئیس مولوي فیض الله جلالي وویل چې دا به د زیانمنو کورنیو لپاره لومړنۍ او وروستۍ مرستې نه وي، او په راتلونکي کې به هم زیانمنو کورنیو ته مرستې برابرې شي. نوموړي له خلکو وغوښتل چې د حفظ الصحې له پوهاوي موادو څخه ګټه پورته کړي او د نظام او اسلامي امارت لپاره دعا وکړي.
۱۴۴۶/۵/۶
له پېښو سره د مبارزې آمادګې اداره
