په میدان وردګ ولایت کې درې زیانمنو کورنیو سره خوراکي او غیرخوراکي مرستې ترسره شوې
د میدان وردک ولایت له پیښو سره د آمادګۍ مبارزې ریاست، د نرخ، دایمیرداد او چک ولسوالیو درېو زیانمنو کورنیو ته چې د طبیعی او غیر طبیعی پیښو له امله زیانمنې شوي دي، خوراکي او غیر خوراکي مرستې ووېشلې.
په دې مرستو کې؛ هرې کورنۍ ته دوه بوری اوړه، دوه بوری وریجې، یو روغتیایي کېټ او ۲۰ عدد د لاس مینځلو صابون ورکړل شول.
له پېښو سره د مبارزې آمادګۍ ریاست رئیس، محترم مولوي فیضالله جلالي، د زیانمنو کورنیو سره د خواخوږۍ څرګندولو ترڅنګ وویل چې دغه مرستې د ټولو زیانونو د بشپړ جبران لپاره کافي نه دي، خو د افغانستان اسلامي امارت تل د خپلو زیانمنو هېوادوالو ملاتړ کوي او د هغوی لپاره د نورو مرستو د برابرولو هڅه کوي.
۱۴۴۶/۵/۷
له پېښو سره د مبارزې آمادګۍ ملي اداره
