په دیوه‌ګل دره کې ۱۰۱۷ زلزله‌ځپلو کورنیو ته خوراکي او غیرخوراکي مرستې ووېشل شوې

د کونړ ولایت له پېښو سره د مبارزې آمادګۍ ریاست او د کار او ټولنیزو چارو ریاست ګډې کمېټې، د امیه مؤسسې، د اسلو مؤسسې، د OCHR مؤسسې، د نصیر خیریه بنسټ، د ترکۍ IFAM مؤسسې، د اصیل خیریه مؤسسې، د ننگیال خیریه بنسټ او د BGK مؤسسې په ملاتړ، د څوکۍ ولسوالۍ د دیوه‌ګل درې په بېلابېلو کلیو کې ۱۰۱۷ کورنیو ته خوراکي او غیرخوراکي مرستې ووېشلې.
په دې بهیر کې له پېښو سره د مبارزې آمادګۍ ریاست او د کار او ټولنیزو چارو ریاست د ګډې کمېټې له لوري ۱۲۵ کورنیو هرې یوې ته یو باب خیمه، د OCHR مؤسسې له لوري ۱۸۲ کورنیوهرې یوې ته یوه صحي بسته، د امیه مؤسسې له لوري ۳۰۰ کورنیو هرې یوې ته ۵ تختې کمپلې او ۱۰۰ ډېرو زیانمنو کورنیو هرې یوې ته یوه باب خیمه، د نصیر خیریه بنسټ له لوري ۲۰۰ کورنیو ته اوړه، وریجې، لوبیا، غوړي او شین چای، د تُرکۍ IFAM مؤسسې له لوري ۱۹ کورنیو هرې یوې ته ۲۰۰ ډالر، د اصیل خیریه مؤسسې له لوري ۳۰ کورنیو هرې یوې ته ۲ تختې کمپلې، یو باب خیمه، ۱۲ متره فرش، ۵۰ کیلو اوړه، ۱۵ لیټره غوړي او ۱ کیلو شین چای، د ننگیال خیریه بنسټ له لوري ۵۰ کورنیو هرې یوې ته ۵۰۰۰ افغانۍ، د BGK مؤسسې له لوري ۱۰۰ کورنیو هرې یوې ته وریجې، غوړي، لوبیا او بوره او د اسلو مؤسسې له لوري د ۱۵ شهیدانو کورنیو هرې یوې ته ۴۰۰۰ افغانۍ نغدې مرستې ووېشل شوې.
د یادونې وړ ده چې دا ټول بهیر د هغو کمېټو تر څار لاندې ترسره شو چې د کونړ ولایت له پېښو سره د مبارزې آمادګۍ ریاست او د کار او ټولنیزو چارو ریاست د ګډې کمېټې تر چتر لاندې جوړې شوې دي.

نېټه: ۱۴۴۷/۰۳/۱۴ هـ ق
له پېښو سره د مبارزې آمادګۍ ملي اداره