نن ورځ یک شنبه له پېښو سره دمبارزې آمادګۍ ملي ادارې لوی رئیس الحاج ملانورالدین ترابي د کاتولیک خیریه نړیوالي مؤسیسې د استازي برانون مور او دکابل ددفتر رئیس احمد فرید صمیمي سره په خپل کاري دفتر کي وکتل.

ترابي صاحب د یادي مؤسیسې راغلي پلاوي ته ښه راغلاست ووایه او وویل چي افغانستان یو له هغه هیوادنو څخه دی چي د طبعي او غیر طبعي پېښو سره زیات مخ دی.
همداراز ترابي صاحب زیاته کړه چي په هر ولایت کي مؤسیسات پروژې تطبیق کوي، موږ ورته پوره ژمن یو او ورسره همکاره یو تر څو زیانمني کورنۍ د مرستو څخه ژر برخمني سي.
په افغانستان کي د یادي مؤسیسې استازي برانون مور وویل چي یاده مؤسیسه د ډیر وخت راهیسي افغانستان کي فعالیت لري او تل یې د طبعي او غیر طبعي پېښو  په برخه کي همکاري کړي ده.
ښاغلي برانون مور د ترابي صاحب څخه ځانګړي مننه وکړل چي تل یی زموږ سره په هره برخه کي همکاري کړي ده او زموږ کارونه یې د اصولو له مخي ژر راخلاص کړي دي.
د یادونې وړ ده، چې یاده تفاهم نامه د یومیلیون او څلویښت زره  اوه سوه او دوه(١,٠٤٠,٧٠٢) ډالرو په ارزښت تفاهم نامه لاسلیک سوه، چې له مخې به یې
١— د اقلیم د زیان په اړه د هېواد په شپږو ولایتونو هرات، کندهار، پکتیکا، هلمند، غزني او زابل ولایتونو کې چي مشري یې CRS مؤسیسه کوي، د نورو مؤسیساتو په مرسته معلومات راټولوي، تحلیلوي او د هغو معلومات د ارزونې راپور جوړول.
۲— هرات ولایت په انجیل، ګذره،  کشک کونه  او رباط سنګي ولسوالیو کې لاندې لاندي فعالیتونه ترسره کوي. 
 ۳— په ٢٠ کلیو کې د پېښو دخطرونو د مدیریت کمېټې جوړول او د ٥٠٠ کسانو د ظرفیت لوړولو پروګرام تطبیقول. 
۴—  د پېښو د خطرونو د مدیریت پلان جوړونه آسانه کول. 
۵—  د ټولنې په کچه د خطرونو د مخنیوي او چمتوالي پیاوړتیا لپاره د ټولنې DRM برابرول.
۶—  د روزونکو کارمندانو لپاره د پېښو د خطرونو دمدیریت د آسانه کولو روزنه. 
۷—  د DRM کمېټو ته عملي تعقیبي ملاتړ چمتو کول.

نېټه: ۱۴۴۷/۳/۱۴ هــ ق 
له پېښو سره د مبارزې آمادګۍ ملي اداره