له پېښو سره د مبارزې آمادګۍ ملي ادارې سرپرست په تورخم کې د کډوالو لپاره د پنډغالي جوړولو کمېټې وټاکلې او د سوق او ادارې مرکز یې جوړ کړ
نن سهار د پنجشنبې په ورځ، له پېښو سره د مبارزې آمادګۍ ملي ادارې سرپرست الحاج ملا نورالدین ترابي، چې د کډوالو لپاره د دې ادارې د لنډمهاله پنډغالي د جوړولو لپاره یې تورخم ته سفر کړی و، د دی پنډغالي کاري کمیټې یې جوړې، دندې یې وویشلې او د تورخم په سیمه کې یې اجباري راستنېدونکو ته په ښه توګه د رسېدنې لپاره د سوق او ادارې مرکز هم جوړ کړ.
ترابي صاحب د دی پنډغالي د کډوالو د آسانتیا لپاره ۱۴ کاري کمیټې جوړې کړې او اړینې سپارښتنې یې ورته وکړې او ویې ویل چې د کډوالو خدمت کول هم له اخلاقي اړخه او هم له شرعي اړخه ډېر زیات اهمیت لري.
د یادونې وړ ده، چې د دی پنډغالي د جوړېدو چارې عملاً پیل شوي دي او ټاکل شوې چې د اړتیا له مخې، له ۳۰۰ نه تر ۵۰۰ خیمې به د ټولو اړینو آسانتیاوو لکه ګرځنده تشنابونو، حمامونو، د څښاک اوبو او ګرځنده روغتیایي کلینیکونو په درلودو سره جوړې شي.
نېټه: ۱۴۴۶/۱۰/۱۹ ه ق
له پېښو سره د مبارزې آمادګۍ ملي اداره
