له پېښو سره د مبارزې آمادګۍ ملي ادارې او د DRC مؤسسې ترمنځ د ۷۰۰٫۰۰۰ ډالرو په ارزښت د ګډو همکاریو تفاهمنامه لاسلیک شوه
نن ورځ، یکشنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي په خپل کاري دفتر کې د DRC مؤسسې د پروګرامونو مسوولې هنا روز هالوي او د هغې مل پلاوې سره وکتل او د دواړو ادارو ترمنځ د ګډو همکاریو تفاهمنامه ورسره لاسلیک کړه.
په دې ناسته کې، محترم ترابي صاحب د یادې مؤسسې پلاوي ته ټینګار وکړ چې د ژمني مرستو پروژې پر خپل وخت پلي کړي او زیاته یې کړه چې د ژمي د موسم له پیل سره اړینه ده چې دا مرستې خلکو ته ورسېږي ترڅو له سړې هوا څخه خوندي پاتې شي او له دغو مرستو څخه زیاته ګټه پورته کړي.
په ورته وخت کې، هنا روز هالوي د DRC موسسې د پروګرامونو مسوولې د دې ادارې له سرپرست څخه د مرستندویه مؤسسو د فعالیتونو لپاره د ښه زمینې برابرولو له امله مننه وکړه او د خپلې مؤسسې د پروژې په اړه یې معلومات وړاندې کړل.
د یادونې وړ ده چې د دې تفاهم نامې له مخې به، ۱۱۹۸ کورنیو ته د سون توکو، د ژمي ګرمې جامې او ۵ کمپلو برابرولو لپاره، هرې کورنۍ ته د ۳۳۱ ډالر مرسته ورکول کېږي. او د دې پروګرام له لارې به ۶۶۱ کورنیو ته په نورستان ولایت کې، ۳۴۱ کورنیو ته په کونړ ولایت کې او ۱۹۶ کورنیو ته په ننګرهار ولایت کې مرستې ووېشل شي.
همدارنګه، په ننګرهار ولایت کې به هغو ۱۱۲ کورنیو ته چې د پېښو له امله یې کورونه زیانمن شوي دي، ۵۶ کورنیو ته چې کورونه یې په بشپړ ډول ویجاړ شوي، هرې کورنۍ ته ۵۵۰ ډالر ورکول کېږي او هغو ۵۶ کورنیو ته چې کورونه یې په نسبي ډول زیانمن شوي هرې کورنۍ ته د ترمیم لپاره ۳۳۰ ډالر ورکول کېږي.
نیټه: ۱۴۴۶/۶/۱۳
له پیښو سره د مبارزې آمادګۍ ملي ادار
