له پېښو سره د مبارزې آمادګۍ ملي ادارې او د ډنمارک د کډوالۍ نړیوالې موسسې ترمنځ د ګډو همکاریو هوکړه لیک لاسلیک شو

نن ورځ سې شنبه له پېښو سره د مبارزې آمادګۍ ملي ادارې سرپرست محترم الحاج ملا نورالدین ترابي او د ډنمارک د کډوالۍ نړیوالې موسسې مرستیال محترم احمد ضیا مایار ترمنځ د ګډو همکاریو هوکړه لیک لاسلیک شو.
له پېښو سره د مبارزې آمادګۍ ملي ادارې سرپرست محترم الحاج ملا نورالدین ترابي د ډنمارک موسسې پلاوي ته په ښه راغلاست سره ووېل چې ټولې موسسې او امارتي ادارې دې د طبیعي او غیرطبیعي پېښو خطرونو کمولو په برخه کې ګډه همکاري وکړي. 
همدارنګه ترابي صاحب ووېل چې ټولې ادارې دې خپلو مرستو ته دوام ورکړي ترڅو په افغانستان کې د بېوزلۍ کچه را ټیټه شي. 
د ډنمارک د کډوالۍ نړیوالې موسسې مرستیال احمد ضیا مایار ووېل چې دغه سازمان شاوخوا ۲۵ کاله کېږي چې په افغانستان او نورو هیوادونو کې له کډوالو سره کار کوي او په طبیعي او غیری طبیعي پېښو، په جګړه ځپلو سیمو، ماین پاکي او په بېړنیو شرایطو کې افغانانو ته مرستې رسوي.
نوموړي همدا راز له پېښو سره د مبارزې آمادګۍ ملي ادارې له کړنو خوښۍ څرګنده کړه او ووېل چې یادې ادارې په وخت سره زموږ کارونه ترسره کړي او زموږ یې ملاتړ کړی. 
په پای کې دواړو خواوو د ماینونو او ناچاده توکو ککړو سیمو پاکولو، نغدي مرستو، د رواني درملنې خدماتو وړاندې کولو، د ماینونو او ناچاوده توکو لت امله قربان شوو ملاتړ او د ماین پاکي موسسو د تخنیکي برخې کارکونکو د ظرفیت لوړولو په برخه کې د ۴۷۱،۰۸۸ (۴۷۱ زره او ۸۸) امریکایي ډالرو په ارزښت هوکړه لیک لاسلیک کړ او یاده پروژه به د کابل ولایت په شپږمه ناحیه، مسلم کلي او سروبي ولسوالۍ کې پلي شي. 

نېټه: ۶/۴/۱۴۴۶
له پېښو سره د مبارزې آمادګۍ ملي اداره